Nicholas (nwhyte) wrote,
Nicholas
nwhyte

To a Mouse, on Turning Her Up in Her Nest with the Plough

Wee, sleekit, cow'rin, tim'rous beastie,
O, what a panic's in thy breastie!
  Thou need na start awa sae hasty
    Wi bickering brattle!
  I wad be laith to rin an' chase thee,
    Wi' murdering pattle.

I'm truly sorry man's dominion
Has broken Nature's social union,
  An' justifies that ill opinion
    Which makes thee startle
  At me, thy poor, earth born companion
    An' fellow mortal!

I doubt na, whyles, but thou may thieve;
What then? poor beastie, thou maun live!
  A daimen icker in a thrave
     'S a sma' request;
  I'll get a blessin wi' the lave,
    An' never miss't.

Thy wee-bit housie, too, in ruin!
It's silly wa's the win's are strewin!
  An' naething, now, to big a new ane,
    O' foggage green!
  An' bleak December's win's ensuin,
    Baith snell an' keen!

Thou saw the fields laid bare an' waste,
An' weary winter comin fast,
  An' cozie here, beneath the blast,
    Thou thought to dwell,
  Till crash! the cruel coulter past
    Out thro' thy cell.

That wee bit heap o' leaves an' stibble,
Has cost thee monie a weary nibble!
  Now thou's turned out, for a' thy trouble,
    But house or hald,
  To thole the winter's sleety dribble,
    An' cranreuch cauld.

But Mousie, thou art no thy lane,
In proving foresight may be vain:
  The best-laid schemes o' mice an' men
    Gang aft agley,
  An' lea'e us nought but grief an' pain,
    For promis'd joy!

Still thou are blest, compared wi' me!
The present only toucheth thee:
  But och! I backward cast my e'e,
    On prospects drear!
  An' forward, tho' I canna see,
    I guess an' fear!
Tags: poetry, world: scotland
Subscribe

  • Saturday reading

    NB: With Russia's unprovoked murderous assault on Ukraine, I am actively looking at alternative hosts for this journal, preferably those which will…

  • Saturday reading

    Current The Twinkling of an Eye, by Brian Aldiss Last books finished 84K, by Claire North Next books Lost in Translation, by Ella Frances…

  • Saturday reading

    Current 84K, by Claire North Last books finished The Dreamer’s Lament, by Benjamin Burford-Jones Scherven, by Erik de Graaf Project Hail Mary,…

  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments